П А Р А Ф І Я Л Ь Н Ы Я А Б‘Я В Ы НЯДЗЕЛЯ СВЯТОЙ СЯМ’І З НАЗАРЭТУ, 29 СНЕЖНЯ 2024 Г.
1. Сёння адзначаем СВЯТА СВЯТОЙ СЯМ’І: ЕЗУСА, МАРЫІ І ЮЗАФА – дзень асаблівай малітвы ў інтэнцыі нашых сем’яў. У 18.00, у катэхетычнай зале, адбудзецца святочна, аплаткавая сустрэча нашых дзяцей, школьнікаў і іх бацькоў.
2. На працягу тыдня, апрача: серады, пятніцы і суботы, набажэнствы і Святыя Імшы пачынацца будуць у 18.00. У сераду Святая І мша ў 11.00. У пятніцу набажэнства і Святой Імшы не будзе! У суботу і наступную нядзелю, як звычайна, у 11.00.
3. У аўторак, 31 снежня, у 18.00 – набажэнства падзякі і перапрашэння на заканчэнне каляндарнага года з урачыстым спевам гімна Te Deum (“Цябе Бога праслаўляем”). У гэты дзень за малітву гэтым гімнам у касцёле ці капліцы можна атрымаць поўны адпуст (індульгенцыю) – дараванне часовых пакаранняў.
4. 1 СТУДЗЕНЯ, У СЕРАДУ, - ЎРАЧЫСТАСЦЬ СВЯТОЙ БАГАРОДЗІЦЫ МАРЫІ і апошні дзень Актавы ўрачыстасці Божага Нараджэння. 58-ы Сусветны Дзень міру, сусветны дзень малітваў аб супакоі ў свеце. Удзел у Святой Імшы абавязковы. У гэты дзень ёсць магчымасць атрымаць поўны адпуст (індульгенцыю) за спеў ці дэкламацыю ў касцёле або капліцы Гімна да Духа Святога.
5. На гэтым тыдні адзначаем: * першы чацвер месяца – дзень удзячнасці за дар сакрамэнтаў: Эўхарыстыі і святарства, і малітвы аб пакліканнях; * першая пятніца месяца - дзень ушанавання Найсвяцейшага Сэрца Езуса; * першая субота месяца - дзень ушанавання беззаганнага сэрца Найсвяцейшай Дзевы Марыі.
6. Наведванне хворых са святымі сакрамэнтамі, якое традыцыйна мае месца ў першую пятніцу месяца, адбудзецца ў чацвер. Пачнецца яно а 10.00 гадзіне.
7. Катэхетычныя заняткі ў чацвер: * у 16.00 - для старшакласнікаў; * у 19.00 - катэхеза для малодшых школьнікаў. Да ўдзелу ў ёй запрпошаны таксама іх бацькі.
8. Сёлетнія КАЛЯДНЫЯ ДУШПАСТЫРСКІЯ НАВЕДВАННІ ПАРАФІЯНАЎ з асвячэннем дамоў і кватэр пачнуцца ў суботу, 4 студзеня. ПЛАН НАВЕДВАННЯ: * СУБОТА – наведванне парафіянаў з вуліц: Палевая, Чырвонаармейская, Зав. Чырвонаармейскі і 1 Мая дамы № 5 і 7. Пачатак а 15.00. * НЯДЗЕЛЯ – вул. 1 Мая (працяг), Чкалава, Леніна, Камсамольская, Сонечная, Калініна, Інтэрнацыянальная. Пачатак а 15.00. * ПАНЯДЗЕЛАК, 6 студзеня, - вул.Я. Коласа, Госпітальная, Пушкіна і Совецкая.